ابڙو اڪيڊمي Abro Academy
2020-07-18
داخلا نمبر 535
عنوان گُـگهه، مھوڪا
شاخ پکي
پڙهيو ويو 353
داخلا جو حوالو:
گُـگهه، مھوڪا
47سينٽي ميٽر قدبت جو پکي بنيادي طرح ڪوئل جي ڪٽنب مان آھي پر ان جون ڪي وصفون ھن جون پنھنجيون ۽ خاص آھن. ان جي چنبي ۾ پوئين آڱر ڊگھي ۽ سڌي ھوندي آھي. رنگ جو ڪارو آھي، ۽ پرن جو رنگ اکروٽي ٿئيس ٿو. اک به اکروٽي ڳاڙھي ھوندي اٿس جنھن جي ماڻڪي ڪاري ٿئي ٿي. ھن پکيءَ کي Crow pheasant به چون ٿا ڇو ته اھو شڪل شبيھه ۾ ڪانءَ وانگر جسم ۾ ڪي قدر ڳرو آھي. وڏي گاھه ۽ وڻن تي، پاڻيءَ جي ويجھو نظر ايندو آھي. اڪثر ماڻھو ان کي حلال پکي سمجھندا آھن پر ايئن نه آھي. ھن پکيءَ کي ڪي ماڻھو گـُگهه، ’ڪوڪر‛، ’ متاھه‛ ته وري ڪي ’مھوڪا‛ به چون ٿا. ننڍڙا جانور، نانگ، ٻين جانورن جا ٻچا ۽ بيضا به کائي وڃي ٿو. ڪافي نقصانڪار پکي آھي. اڪثر کيتن واري علائقي يعني ماحول : 6 ۾ ڏسبو آھي.